Talan er um eini sethús í 3 hæddum mitt í býnum, beint við allar hugsandi hentleikar. Miðhæddin og niðasta hæddin eru 41 fermetrar. Ovasta hæddin er uml. 37 fermetrar.

Talan er um eini hús í 3 hæddum, sum hava grót/betonggrund. Miðhæddin og ovasta hæddin eru timbur. Niðasta hæddin er grót/ betong

Húsini eru klødd við timbur, hava trævindeygu, og aluminiumtak. Húsini blivu klødd, bjálvað og vindeyguni skift fyri 8-10 árum síðani. Tekjan er eisini skift, og er hon í góðum standi

Í miðhæddini er inngongd, durur, køkur og stova. Í ovastu hæddini er gongd, 3 kømur og vesi, har tað er møguligt at gera eina brúsu. Í niðastu hæddini er kamar, baðrúm, kjallararúm/ fýrrúm/ vaskirúm.

Niðanfyri húsini er hugnaligur sólkrókur við høgum garði út til vegin. Tað sæst ikki inn í garðin frá vegnum. Runt húsini er garður við urtagarði.

Úr miðhæddini og ovastu hæddini er sera gott útsýni, har man sær heilt út á Nólsoynna.